本地门户网站

【太子食乜好】人气小店!秘製香脆惹味金沙炸髀+豆腐鲜果沙冰系

(Presented by 髀魔)

无论你係咩年纪,相信都一定食过港式炸髀!好似 「髀魔」老闆 Stephen就坦言,自细已经係炸髀狂热份子,可惜随时代变迁,呢种要花耗大量时间同功夫,又讲究食材技巧嘅经典港式美食,近年喺香港已经好难有机会食得到,亦因而促使本身从事广告嘅佢下定决心,自创一家港式炸髀专门店展开「髀魔」人生!

前星洲酒店行政总厨助阵

开店前从未接触过饮食业嘅Stephen,虽然本身对厨艺一窍不通,但就坚持自家出品嘅炸髀,喺味道同品质上都要做到高水準先至会正式开舖,因此不惜花咗几个月时间,四出向有饮食业经验人士请教,钻研最啱香港人嘅口味及製作方法,而呢个时候喺新加坡香格里拉大酒店做行政总厨嘅姨丈贤哥,咁啱又展开退休生活,仲好有心咁帮手设计咗多款既惹味又富有香港,或新加坡风味特色嘅炸髀出嚟,二人一拍即合后,「髀魔」首店终于喺旧年登陆西贡。

【太子食乜好】人气小店!秘製香脆惹味金沙炸髀+豆腐鲜果沙冰系
每只黄金魔髀有成500克重,接近成人手掌咁大份,好食又抢眼!面头嘅鹹蛋黄酱食落仲有粒粒鹹蛋黄,味道同口感层次丰富。

用心专注每个製作细节

招牌黄金炸髀外皮甘香鹹脆,鸡肉软滑多汁,加上採用坊间少见嘅美国斧头髀,每只都份量惊人,所以好快就成为全港人气街头小食,吸引大家排队试食同打卡!咪以为整一只炸髀好容易,原来每只鸡髀由沾粉到分阶段油炸至熟,再到搽酱料足足要半个钟,绝对称得上Slow Cook!大厨贤哥表示,每只鸡髀会预先以60度慢火油炸25分钟至七成熟,到落单时再用120度猛火油炸多5分钟至全熟,同时逼出多余油份,所以鸡髀外皮零舍甘香脆口,鸡肉仍保持弹滑多汁。

【太子食乜好】人气小店!秘製香脆惹味金沙炸髀+豆腐鲜果沙冰系
麻辣魔髀係专为嗜辣之徒设计,麻香逼人且辣劲十足!每只重500克或以上,比一般鸡髀重多200-300克,怕食唔晒可以拣返300克嘅普通Size。

多款本地原创吸Like口味

好多人食完黄金魔髀后,都异口同声表示味道好有新加坡风味!Stephen听后笑住话,因为大厨贤哥喺星洲酒店工作多年,所以特别设计咗呢款极具星洲风味嘅鹹蛋黄酱俾大家,而且仲严选咗新加坡优质鹹蛋黄,先蒸熟后搅碎,同时加入其他产地嘅鹹蛋黄、咖喱叶同辣椒等多种香料混调而成,所以食落会有唔同嘅鹹蛋黄香味,仲特登加入鹹蛋黄粒嚟增加质感,而鹹蛋黄酱就会一直热住以保持最佳状态!另有麻辣同椒盐,两款港人至爱口味。

【太子食乜好】人气小店!秘製香脆惹味金沙炸髀+豆腐鲜果沙冰系
经典魔髀係最地道嘅香港椒盐味,即係大家由细食到大嘅味道!每份外卖都会好贴心咁,免费附送包含牙签、手套同纸巾嘅3合1小包装。
【太子食乜好】人气小店!秘製香脆惹味金沙炸髀+豆腐鲜果沙冰系
每只鸡髀由上粉到分段油炸,整个过程要花上30分钟,绝对係慢功出细货。

隔日果栏入货新鲜水果沙冰

食炸髀梗係要饮返杯冻饮解渴消暑啦,尤其而家一出街就热到溶咗嘅炎炎盛夏!「TEA魔」同「魔髀」为邻,两者係姊妹店。为迎接暑假Stephen自创咗几款特色饮料,推介有选用本地豆腐製作,原创口味嘅「白雪飘沙」;仲有芒果味浓郁鲜甜又有少少芝士鹹香嘅「Tea芒芝黄金沙」;同埋啖啖清甜鲜菠萝果香,富芝奶鹹香嘅「鲜凤飘飘雪沙」。Stephen笑称,由于夏天鲜果储存期短至两日,所以隔晚一收舖就会亲自揸车去果栏入货,亦因为咁水果沙冰每日限量供应,售完即止。

【太子食乜好】人气小店!秘製香脆惹味金沙炸髀+豆腐鲜果沙冰系
自创「白雪飘沙」係全港独家口味!每杯用咗一砖本地豆腐製作,入口顺滑软绵,豆香浓淡有致,质感稠身似雪糕。芝士奶盖绵密得嚟又有淡淡芝士鹹香,捞匀后饮更有风味。
【太子食乜好】人气小店!秘製香脆惹味金沙炸髀+豆腐鲜果沙冰系
同属原创口味嘅「Tea芒芝黄金沙」,每杯用咗1.5个吕宋芒搅拌而成,入口芒果味即时充满成个口腔,令人有种愉悦感。建议先由底层果肉饮起,再到中间稠身果汁,最后捞埋上层芝士奶盖一齐饮营造多重味觉享受。
【太子食乜好】人气小店!秘製香脆惹味金沙炸髀+豆腐鲜果沙冰系
清爽鲜甜嘅「鲜凤飘飘雪沙」同样打入人气榜!难得用上新鲜靓菠萝调製,仲特别走奶盖等大家饮到最新鲜无添加嘅清甜鲜果汁,唔单止好味解渴,更含丰富维他命又帮忙消化,仲有抗炎功效!

炸髀以外其他小食推介

魔髀以外,呢度仲有魔翼、鸡粒、鸡软骨、鱿鱼鬚、薯角、花枝丸等肉类海鲜小食选择。想食得健康清新啲,建议试吓外脆内滑嘅本地豆腐、秋葵、凉瓜,仲有日本地瓜、日本南瓜、富士苹果同地扪香蕉等鹹甜炸物。口味分别有梅粉、椒盐、麻辣同黄金(蛋黄酱)4款。

【太子食乜好】人气小店!秘製香脆惹味金沙炸髀+豆腐鲜果沙冰系
心多多想试食多几款小食,不妨自由配搭小食拼盘,同屋企人或朋友开心Share。
【太子食乜好】人气小店!秘製香脆惹味金沙炸髀+豆腐鲜果沙冰系
「椒盐金粒豆腐」係太子店另一人气皇牌小食,每日卖出多达60份!
【太子食乜好】人气小店!秘製香脆惹味金沙炸髀+豆腐鲜果沙冰系
「黄金秋葵」外层鹹蛋黄酱甘香鹹脆,同秋葵本身独有嘅甘鲜清脆非常之夹 ,毫无油腻感。
【太子食乜好】人气小店!秘製香脆惹味金沙炸髀+豆腐鲜果沙冰系
「甘梅日本地瓜」採用日本地瓜,外层梅粉酸甜生津,内里地瓜糯甜高纤,令人回味!
【太子食乜好】人气小店!秘製香脆惹味金沙炸髀+豆腐鲜果沙冰系
经典鸡软骨,洒上自家调製椒盐,惹味又有嚼劲。
【太子食乜好】人气小店!秘製香脆惹味金沙炸髀+豆腐鲜果沙冰系
「黄金鱿鱼鬚」脆口惹味,叫人想再三添食。

太子、西贡及深圳3家分店

想搵到佢哋太子新店嘅蹤影,只要一出太子港铁站C2出口,直行几步就到啦!假如你係西贡人,或者放假入西贡玩,记得去埋福民路总店帮衬呀,事关大厨贤哥每日都会喺度亲身坐阵,包你有靓炸髀食!又或者暑假週末约开朋友上深圳玩,可以坐地铁2号线嚟到后海站附近保利文化广场,髀魔喺国内开设嘅首家分店,叹返只脆口甘香又惹味嘅黄金魔髀啦!而家只要买鸡髀或者小食,再追加沙冰,仲会免费赠送额外$10优惠,实行用优惠帮大家消暑降温!

【太子食乜好】人气小店!秘製香脆惹味金沙炸髀+豆腐鲜果沙冰系
「髀魔」舖面巧妙咁融入姊妹茶店「TEA 魔」变出一舖两店,体现出香港人灵活多变嘅精神。买炸髀小食顺便买埋嘢饮,一举两得!

髀魔-鸡髀第一店(太子店)

地址:太子太子道西104-106号璟璜大厦地下1B号舖

营业时间:星期一至日1400 – 0100

髀魔-鸡髀第一店(西贡店)

地址:西贡福民路58号高富楼18号地舖

营业时间:星期一至日1200 – 2000

髀魔-鸡髀第一店(深圳海岸城店)

地址:南山海岸城保利文化广场AB206

营业时间:星期一至日12:00-01:00

上一篇: 下一篇:

相关推荐