本地门户网站

【太过份】棉花糖 + 紫薯 + 芭芙!5大香浓紫薯甜品!

紫薯 !你可唔可以俾我哋抖吓?又嚟?!无错,今次又係紫薯。最近记者又发掘到用 紫薯 整成嘅甜品,每个望落去都 紫薯 味十足,锺意 紫薯 、望住呢篇文而肚饿嘅你,点顶!

1.棉花糖手工特调棉花糖 紫薯 牛奶

冇睇错!係 紫薯 牛奶!Café 360 今个月推出咗创意棉花糖手工特调饮品系列,其中食材就包括今期大热嘅 紫薯 。佢哋採用韩国直接进口嘅 紫薯 粉,饮落会有 紫薯 香味,饮嘅时候可以先食一啖棉花糖,再将杯顶剩下嘅棉花糖放入紫薯牛奶,饮落就会充满棉花糖同 紫薯 嘅香气~

【太过份】棉花糖  + 紫薯 + 芭芙!5大香浓紫薯甜品!
$36/杯

Café 360

地址:深水埗西九龙中心6楼

电话:2761 1328

2. 芭芙专门店出品滑滑 紫薯 蓉芭芙

喺好多地铁站都有分店嘅CHOUX CREME赶上紫薯热,今个月头推出 紫薯 芭芙,用嘅係日本入口 紫薯 ,运用新鲜忌廉配上又浓滑嘅 紫薯 蓉,再加埋一粒粒嘅 紫薯 肉,用料都算足,食落会有 紫薯 香。

【太过份】棉花糖  + 紫薯 + 芭芙!5大香浓紫薯甜品!
$23/个

CHOUX CREME

地址:观塘APM LG-2c号铺

电话: 2331 9488

3. 足料!浓浓 紫薯 班戟

喺铜锣湾嘅MYOC除咗卖咖啡之外,都推出咗 紫薯 製嘅甜品!等紫薯控可以一边食 紫薯 甜品,一边饮咖啡。呢个 紫薯 班戟十分足料,每个部分都有 紫薯 嘅成份。佢个pancake就加入咗 紫薯 粉,再加上 紫薯 cream同焦糖 紫薯 粒,一啖食落去成口都充满 紫薯 味!而且所有 紫薯 都係由日本进口㗎。

【太过份】棉花糖  + 紫薯 + 芭芙!5大香浓紫薯甜品!
$78/份

MYOC

地址:铜锣湾希云街12号地下

电话:9683 6583

4.独立包装台式卷蛋 【 紫薯 幸福奶冻卷】

Honey Granny出名嘅就係佢嘅蜂巢雪糕~不过而家除咗蜂巢雪糕,Honey Granny仲推出咗台中人气奶冻卷,不过就得鲗鱼涌分店先有得买。呢个 紫薯 幸福奶冻卷其实係 紫薯 朱古力味,所用嘅紫薯都係来自日本。外面嘅海绵蛋糕用可可粉製成,内馅就採用 紫薯 加上熬煮过嘅天然姜汁,食落有淡淡姜味,令到呢个配搭唔会太腻。

【太过份】棉花糖  + 紫薯 + 芭芙!5大香浓紫薯甜品!
$22/件

Honey Granny(鲗鱼涌分店)

地址:鲗鱼涌海光街36号地舖

电话:2562 1323

5. 咖啡店手工蛋糕王子蕃薯芝士蛋糕

座落于荃湾嘅Browny Cafe主要卖咖啡,仲有好多人锺意嘅益力多系列蛋糕,不过今次当然係介绍返 紫薯 蛋糕match返我地个主题啦~Browny Cafe嘅王子蕃薯芝士蛋糕採用本地或日本进口嘅黄蕃薯同紫蕃薯,加上cream cheese,可以做成冻饼或焗饼,黄紫心蕃薯嘅层次分明,如果选择焗饼,中间仲会有粒粒 紫薯 ,如果想有口感嘅话焗饼就更啱你口味喇。呢个蛋糕原本喺冬日限定,不过今次店主话会开放卖到9月尾,如果呢段期间去唔到试嘅朋友就要到冬天先有得食啦~

【太过份】棉花糖  + 紫薯 + 芭芙!5大香浓紫薯甜品!
$25/件,跟餐$41(可订製全饼$135/6″,$225/8″,$275/9″)

Browny Cafe

地址:荃湾西楼角道202-216号荃昌中心昌宁商场地下66A号舖

电话:6821 0145

 

上一篇: 下一篇:

相关推荐